الرئيسيةأخبار سورياكتبت غالية والدة الشهيد خالد العيسى في ذكرى رحيله
أخبار سوريا

كتبت غالية والدة الشهيد خالد العيسى في ذكرى رحيله

غالية الرحال والدة الشهيد خالد العيسى الذي استشهد بتاريخ 24/6/2016 بعد استهدافه مع رفيق دربه هادي العبد الله بعبوة ناسفة استهدفت منزلهما في المدينة
كتبت غالية على صفحتها في ذكرى رحيل خالد للعام الثاني

يااا خالد..
ماخبرتني إيمتا رح ترجع ..
يا روح الروح ..
ياضحكة أمل بقلبي ماتت معك
إذا ماكانت لمعة عيونك تسرد حكايا..
لا ترجع ..
إذا ما كانت ضحكاتك تسرح …
تعلي فوق فوق الفرح..
لاترجع…
إذا ما كانت نومتك على زندي ..
اسمع بحت صوتك ..
وتقلي …
إمي حكيلي حكاية بحب نام على صوتك …
لاترجع….
إذا ما قلتلي أمي مشتهي الملوخية من تحت دياتك ..
فنجان القهوة المهيّل
بيحفظ الأسرار معنا..
وانت تساويلي ياها بإيدك …
لا ترجع …
ولا بقلك؟
رجاع كيف ماكنت …شتقتلك

وكانت غالية قد كتبت في استشهاد خالد كلمات مؤثرة تفاعل معها عشرات الآلاف على وسائل التواصل والاعلام في نعوة ولدها على صفحتها الخاصة :

شهيد ياعمري ؟ صار اسمك شهيد …الله يهنيك يا أمي بإسمك الجديد …صار اسمك شهيد .. أمنتلي الجنة قبل ماموت… داير بالك عليي بالدنيا والأخرة … رتحت هلق ياعمري؟ … الله يهنيك … الله يرضى عليك برضاي عليك … ربينا سوا انا وانت كنت اقرب من روحي الي ..تم قريب مني ..خلي روحك معي .. بتكفيني روحك الطاهرة تزورني .. وتحسسني بوجودك .. انت ماعدت جسد واللحم ..انت روح .. و رح ضل روح.

شارك برأيك

اترك تعليقاً

لن يتم نشر عنوان بريدك الإلكتروني.