الرئيسيةأخبار سوريافتاتان توجهان رسالة لبشار بعد تسريحهما من الكلية الحربية لأسباب أخلاقية (فيديو)
أخبار سوريا

فتاتان توجهان رسالة لبشار بعد تسريحهما من الكلية الحربية لأسباب أخلاقية (فيديو)

انتشر على وسائل التواصل فيديو مسجل و موجه لبشار الأسد من طالبتين في الكلية العسكرية للبنات وذلك بسبب تسريحهن قبل التخرج فقامت الفتاتان بتصوير فيديو يناشدون بشار الأسد مراجعة القرار.

وجاء في رسالتهما : ((في 6/7/2017 خمس طلاب ضباط \بنات – دورة 34 الكلية العسكرية للبنات بيتفاجئو بقرار تسريحين , بعد خدمتهن بالغوطة , فليش /الظلم/ و تضييع الحلم !!!! شو قتلنا و لا دبحنا و لا عارضنا !!!!
دخلنا الجيش لأننا منحب الجيش , و منحب نكون واقفين جنب أخواننا الشباب بهالأزمي , و نحنا من عائلات مستورة الحال .
حبينا نروح عالجيش تحتى نساعد أهالينا !!!! تحتى نحقق حلم طفولتنا بحمل سلاح و تحتى نحقق حلمنا برتبي عكتافنا .

ياهل ترى لشو راح حلمنا و ضاع !!!! عشان ناس واصلي و ظالمي !!!! شو نحنا عايشين بغابة !!!! معقولي نحنا نحرض عالتمرد و العصيان !!!!

سيدي الرئيس : مبروك نجاح أولادك , نحنا بنات إلنا سمعتنا معقولي تتركنا لحكي الناس عن أخلاقنا !!!! معقولي تتركنا لحكي عساكر الحواجز لما نمر عحواجزين بقرار تسريحنا : انتوا بنات طالبات ضباط و بتتسرحوا , طب ليش !!!! أخلاق ماهيكي !!!!

سيدي تسرحنا بأمر شخصي منك حسب ماقالولنا و بتوقيعك , فليش رفقاتنا البنات بنفس المهجع يتخرجوا و نحنا آفيتنا نلبس بدلي و لا رتبي !!!! معقولي بدنا الوطن و الوطن آبدّوا يانا !!!!

يمكن تكون نتيجة هالفيديو حياتنا , مامنعريف ياسيدي الرئيس , و يمكن اللي سرحونا يحاولوا يقتلونا لأننا فضحناهم هالحقودين الظالمين , اللي ضربونا و أهانونا و أشقونا , مع انو نحنا مو ضد التدريب و التعب و الشقا لأنو الضابيط لازم يتدرب و يتعب و يصبر و يشقى , بس نحنا ضد الظلم و الأذى))

ويعرف جيش نظام الأسد بالفساد الكبير بين الضباط واستغلال الفتيات الراغبات بالانضمام للجيش من قبل الضباط الكبار وتم تسجيل كثير من حالات التحرش والمضايقة والمحسوبيات ضد تلك الفتيات.

شارك برأيك