انتشر عبر مواقع التواصل الاجتماعي تسجيلاً مصوراً يظهر فيه مواطن لبناني، ينتقد فيه اللبنانيين الذين يرمون اللوم على اللاجئين السوريين بحجة استحواذهم على فرص العمل وأخذها من اللبنانيين.
حيث يتحدث “المواطن اللبناني” كنوع من الرد على الفيديو الذي نشرته “قناة MTV اللبنانية”، بعد إجرائها مقابلة مع أحد اللبنانيين، وهو يحمل اللاجئين السوريين مسؤولية عدم قدرته على إيجاد فرصة عمل لنفسه.
وقال “المواطن اللبناني” في التسجيل: “شفت فيديو لواحد لبناني بطرابلس عم يحكي أنو بدو ينتحـ,ر، لأن ما معه يدفع آجارشقة وما معه يأكل وما معه يأركل”.
ويضيف “المواطن اللبناني” قائلاً: “وجود السوري في لبنان لسببين، السبب الأول هو حاجة لبنان للعمالة السورية لأن في مصالح كتير”.
ويتابع “المواطن اللبناني” في تسجيله قائلاً: “والسبب التاني ما للي شالح كنزتو وبدو ينط قدام السيارة، ولا اللي طالع ورا الشاشة عم يكتب بالإعلام، بيقدروا يشتغلوا هيدا الشغل يلي بيشتغلوا السوري، والسوري بيشتغل شغلات اللبناني ما بيشتغلها”.
وأضاف “المواطن اللبناني” ضمن التسجيل رداً على الرجل الذي ظهر في فيديو “قناة MTV اللبنانية”: “السوري ليش عم يلاقي شغل، لأنو أنت ما بدك تشتغل، عندي بالبيت غرفة بدي بلطها ولبسها، حفيت لجيب واحد لبناني مافي، في كتير مصالح وشغلات اللبناني ما بيقبل يشتغلها، بينما السوري بيشتغلها”.
ووجه “المواطن اللبناني” سؤاله لمن ينتقد وجود السوريين وعملهم ضمن لبنان: “في مصالح اللبناني ما بيشتغلها، يعني أنت بدك تقلع بطاطا وبندورة وبقدونس بسهل البقاع..؟”.
وأشار “المواطن اللبناني” إلى الأيام التي كان فيها النظام السوري يحتل لبنان قبل سنوات، قائلاً: “لما كان الاحتلال السوري وزعاماته بلبنان، كان غازي كنعان مستلم مفتاح بيروت، وكان فيه 3 ملايين عامل سوري بلبنان، ولا ما كنتوا حاسين عليهن بأيامها ولا كيف..؟”.
ويضيف “المواطن اللبناني” في تسجيله قائلاً: “شو اللي زاعجكن بموضوع السوريين، طيب جبلي ناس تشتغل بدل السوريين، أنا عندي شغل ما حدا بيشتغل فيه إلا سوريين”.
ومدح “المواطن اللبناني” العمال السوريين بقوله: “هلأ أنتوا بتعرفوا أنه في سوريين الها شهور ما قبضت وساكتة، وهيي عم تشارك هموم صاحب المصلحة بمشاكله، وعم يأخد شي ليصرفه بس، وعم يتحمل الوضع والسوري أخ اللبناني، وعم يشوف بعينه الوضع بلبنان شو عم يصير”.
وانتقد “المواطن اللبناني” باقي أفراد الشعب اللبناني الذين يركبون الموجة التي تفرضها عليهم أحزابهم السياسية، والآن جاء الدور على اللاجئين السوريين ليطردوهم من لبنان بحجة قلة العمل.
ويتساءل “المواطن اللبناني” في تسجيله قائلاً: “بس ليش عم يشغله اللبناني للسوري لأنه سعره أرخص وأصدق من اللبناني، وبيشتغل بنور الله وشو ما تقله بيعمل، أما اللبناني بده يجي يقاسمك عالنص”.
وفي نهاية التسجيل يقول “المواطن اللبناني”: “كيف بيعملوها للثورة، بيجيبوا كاميرا MTV اللي بتشتغل سياسة، وبتجيبوا ناس ليحكوا، وبدكن ثورة، لك شو هيي الثورة، ثورة عالسوريين، أنتوا لازم تنضبوا بقى، لأنه السوري بتوقف البلد بلاه”.
مدونة هادي العبد الله